Hulle het dadelik gekliek en het kort daarna elkeen rolle in die sepie Suidooster losgeslaan. Dean speel deesdae Wade en Gantane Siya in die gewilde sepie. Ons kyk hoe goed dié boesemvriende mekaar ken.
Hy is ’n baie selfversekerde persoon. Dis ’n baie sterk eienskap van hom.
Hy het ’n baie slegte slaappatroon. Hy sal laat bed toe gaan en op vreemde tye opstaan. Hy het ’n body clock wat hom outomaties vieruur in die oggend wakker maak. Dan rol hy rond of raak weer aan die slaap. Hy maak eerste soggens vir hom ’n koppie koffie in sy reisbeker wat lyk soos ’n kameralens.
