book-icon Uitgawe 24 Desember 2020

Juanita, Viljé en kie se eerste Kersfees as ouers

akkreditasie
Dié bekendes vier vanjaar hul eerste Kersfees as ouers.

JACQUES KALLIS

Die oud-Protea-krieketspeler Jacques Kallis se vrou, Charlene, het die oulikste foto’s van hul nege maande oue seuntjie, Joshua Henry, op Instagram gedeel. Op die foto’s is haar “klein Kersfees-elf”, soos sy die knapie noem, voor ’n Kersboom te sien.

Jacques en Charlene Kallis met hul skattige kleind
Jacques en Charlene Kallis met hul skattige kleinding, Joshua Henry. Foto: Instagram (@charlenekallis)

“Dit begin baie soos Kersfees lyk! Dis my gunstelingtyd van die jaar en dié jaar gaan die spesiaalste van almal wees,” skryf sy.

Charlene noem Joshua haar
Charlene noem Joshua haar "klein Kersfees-elf". Foto: Instagram (@charlenekallis)

JUANITA DE VILLIERS

Die Getroud met rugby-aktrise en haar regisseur-man, André Velts, het in September ouers geword en wil Kersfees spesiaal maak vir hul dogter, Zia. “Dit gaan voel soos toe ons kinders was, en ek sien baie daarna uit,” sê Juanita. Hulle gaan eers Langebaan en dan Knysna toe.

Om met jou familie te kan wees, is ‘n belangrike deel van Kersfees vir Juanita.

“Vir my beteken Kersfees die samesyn van familie en vriende, rustyd vir ons siele en liggame en ook refleksietyd om dankbaar te staan teenoor ons God vir al ons seëninge en goeie gesondheid,” vertel sy.


Juanita, André en Zia spandeer Kersfees vanjaar m
Juanita, André en Zia spandeer Kersfees vanjaar met hul familie. Foto: Verskaf

 “Kersfees gaan vanjaar ekstra spesiaal wees omdat ons nog ’n lewe in ons lewe vier. Ons albei se ouers sal haar kan geniet.”

Juanita en André wil Kersfees ekstra spesiaal vir
Juanita en André wil Kersfees ekstra spesiaal vir Zia maak. Foto: Verskaf

DANIËLLA VAN HEERDEN

Dié eNuus-leser en haar fotograaf-man, Cornél, sien uit na hul eerste Kersfees saam met hul dogtertjie, Simoné. “Sy is op Kersdag presies nege maande oud,” sê Daniëlla. “Sy het nou al begin kruip en kan lekker met ons speel.” Dis ’n bonus dat Daniëlla nie op Kersdag werk nie.

Daniëlla en Cornel van Heerden se dogtertjie Simon
Daniëlla en Cornel van Heerden se dogtertjie Simoné is op Kersdag presies nege maande oud. Foto: Verskaf

“Ons het met vorige Kersfeeste nie besef hoe kosbaar tyd saam met familie is nie, maar hierdie jaar, waarin dit nie noodwendig ’n gegewe is nie, gaan ons die tyd saam met ons geliefdes ekstra koester.”

QUANITA ADAMS

Die aktrise en haar man, Brian Monroe, se eersteling, Alia, is in Mei gebore.

Quanita en Brian se eersteling is in Mei vanjaar g
Quanita en Brian se eersteling is in Mei vanjaar gebore. Foto: Instagram (@quanitadams)

“Sy is die beste geskenk waarvoor ons kon wens, so dié Kersfees is reeds die beste een ooit!” vertel Quanita. Alia het al saam met haar ma op ’n fliekstel gekuier. Quanita het op Instagram ’n foto van haar gedeel waar sy hard aan die werk is met klein Alia op haar skoot. Te oulik!

Alia saam met haar ma op ’n fliekstel. Foto: Insta
Alia saam met haar ma op ’n fliekstel. Foto: Instagram (@quanitadams)

Quanita verklap dat familie haar gunsteling-Kersfeesherinnering is.

“Elke jaar vier ons saam en daar is altyd genoeg vir ekstra gaste. Ek is mal oor die opwinding van geskenke oopmaak.

“Ons speel 'n Kersspeletjie wat my Noorweegse skoonsuster ons geleer het wat deel van hulle tradisie is. Dis baie spesiaal, want dis ’n gemengde affêre, Moslem, Christen, elkeen bring waarvoor hulle lief is en ons vier die dag,” laat die aktrise hoor. 


VILJÉ MARITZ

Die geboorte van Viljé se seuntjie, Albert van Zyl Maritz, in November het sy lewe verander. “Ek probeer nou alles so gou moontlik gedoen kry sodat ek by die huis kan kom en tyd saam met hom deurbring,” sê die akteur en TV-aanbieder.


Viljé gaan klein Albert behoorlik bederf hierdie f
Viljé gaan klein Albert behoorlik bederf hierdie feestyd. Foto: Verskaf

Sy verloofde, Lianry Botes, het ook ’n sesjarige dogter, Leja, uit ’n vorige verhouding. “Oor Kersfees wil ek klein Albert graag bederf, nie net met geskenke nie, maar met ongelooflik baie liefde,” sê Viljé. Klein Albert is na sy bekende oupa, die akteur Albert Maritz, genoem.

Leja, Lianry, klein Albert en Viljé. Foto: Verskaf
Leja, Lianry, klein Albert en Viljé. Foto: Verskaf

Jongste uitgawe

2 Junie 2022

Jongste uitgawe
Klik hier om te gaan na jóú biblioteek met jou tydskrifte en -koerante.
Begin lees