Die aktrise Roeline Daneel en haar ma, die veteraan-aktrise Elsabé Daneel, het ook kom inloer. Roeline is tans op die kassie te sien in die kykNET-reeks Fraksie en Elsabé is van November te sien as Renske Minnaar in die nuwe SABC2-dramareeks Karavaan.
“Ek was mal oor Karavaan, want dit was vir my ’n baie anderste produksie en ’n eienaardige gevoel om op stel ‘dood te gaan’ ,” sê Elsabé.
Die Slim vang sy baas-aanbieder Beer Adriaanse het pas klaar verfilm aan ’n televisiereeks waarin hy vir die eerste keer teenoor sy aktrise-meisie, Carla Smith, speel.
