Die egpaar, wat reeds die ouers is van ’n dogtertjie, Charlotte (5), se seun, Naudé Jozua Malherbe, is op 16 September by die Mediclinic Panorama-hospitaal in Kaapstad gebore. Hy het 3,4 kg by geboorte geweeg.
Sy het ’n baie gesonde swangerskap gehad, vertel Rolanda aan Huisgenoot.
“Hier teen die einde het dit gevoel dis nou tyd dat hy moet uit, want ek is ’n bietjie ouer, ek is 44. Ek het gevoel ek het nie meer die energie wat ek gehad het toe ek vir Charlotte gehad het op 38 nie. So ek was gereed.”
Naudé was onbeplan. Rolanda en Jozua het gedink hulle gaan net een kind hê, toe kom verras die kleinman sy ouers.
