En nou brand die vreugdevure hemelhoog vir die aktrise Kenley Swart en haar geliefde, James-John Matthee.
’n Week na die meganiese ingenieur uit die hospitaal ontslaan is ná ’n maand van intensiewe chemoterapiebehandeling, het hy die Vergeet my nie-aktrise voor albei hulle ouers die jawoord gevra.
Einde verlede jaar is ’n tipe bloedkanker by James-John (27) gediagnoseer en hy moes die hele Januarie in die hospitaal deurbring. Hy en Kenley (29) – wat destyds die rol van Lara Hattingh in Huisgenoot se tweede fliek vertolk het – het drie jaar gelede ontmoet toe Kenley se woonstelmaat gedink het dié twee is vir mekaar bedoel.
“Dit was ons albei se eerste blind date en ons kon nie uitgepraat raak nie!” vertel Kenley vir Huisgenoot.
