Sy is lankal nie meer die aktrise wat ons in 2009 in Getroud met Rugby leer ken het nie. Dié borrelende glanspersoonlikheid het vinnig gewys wat in haar steek en sy het haarself oor die laaste paar jaar as vervaardiger, skrywer en sakevrou bewys.
Haar klerereeks, Skoonma Clothing, wat in Junie vanjaar een jaar oud geword het, het vir ’n volgende groot hoogtepunt in haar loopbaan gesorg.
Dié reeks, wat sy met die hulp van haar skoonma, Marie Bosch, begin het, is gekies om deel van SA Modeweek se handelskou te wees.
