Nie alle probleme het ’n oplossing nie. Nie alle stories het ’n gelukkige einde nie.
En tog beteken dit nie jou lewe is nie die moeite werd nie. Soms kan ons juis troos daarin vind om ons hartseer met mekaar te deel – om uit mekaar se stories van verlies en afskeid te leer hoeveel ons in gemeen het en dat ons nooit werklik alleen is nie, al voel dit soms so.
Dis die boodskap van ’n baie ongewone skulpie met ’n piepstemmetjie wat mense wêreldwyd die laaste ruk laat huil, kopkrap en eindelik ook glimlag.
