book-icon Uitgawe 9 Januarie 2020

MOOISTE FOTO’S: Suzette van der Merwe se ‘weglooptroue’ op 50

akkreditasie
Suzette van der Merwe en Mark Weston het op 14 Desember tydens ’n intieme ­seremonie in Nieu-Seeland ­ewige trou aan mekaar beloof. Foto: Rachel Jordan van Two Little Starfish
Suzette van der Merwe en Mark Weston het op 14 Desember tydens ’n intieme ­seremonie in Nieu-Seeland ­ewige trou aan mekaar beloof. Foto: Rachel Jordan van Two Little Starfish

Op ’n ongerepte strand waar dit lyk of die sandkorrels ’n skakering van pienk is, het hulle ewige trou aan mekaar beloof – ’n silwerkopbruidegom en sy bruid, op 50 nog net so beeldskoon as toe sy amper 30 jaar gelede as Mej. Suid-Afrika gekroon is.

Daar ver op Pink Beach op Nieu-See­land se Noordeiland het Suzette van der Merwe asemrowend gelyk in ’n vloeiende ontwerperskepping in dieselfde helderpienk as die bougainvilleas by haar ouerhuis op Stilbaai in die Wes-Kaap.

Pienk is ook die kleur van die hemp wat haar bruidegom, Mark Weston (56), gedra het toe sy dié gebore Nieu-Seelander ses jaar gelede op ’n toe-oë-afspraak in Johannesburg ontmoet het. Suzette onthou nog goed hoe dié kleur sy vriendelike blou oë beklemtoon het.

“Daar is baie pienk in ons storie,” vertel die twee byna uit een mond in ’n eksklusiewe onderhoud met Huisgenoot kort voor hul troudag verlede maand.

Suzette en Mark, ’n uitvoerende beampte in die bankwese in Johannesburg, het besluit om stil-stil op ’n geheime ­bestemming in Mark se geboorteland te trou. 

Net twee gaste, Mark se pa, Wayne (78), en stiefma, Angela Jennings Weston (79), was by die intieme seremonie op die strand en was ook hul getuies.

Kry die volle storie
Teken in op Netwerk24 en kry vandag onbeperkte toegang tot gehalte-joernalistiek, brekende nuus, voorste Afrikaanse koerante en tydskrifte, blits-videoinhoud, podsendings, luisterboeke en meer.
Teken in
Reeds 'n intekenaar? Meld aan
Jongste uitgawe

19 Mei 2022

Jongste uitgawe
Klik hier om te gaan na jóú biblioteek met jou tydskrifte en -koerante.
Begin lees