Theodore Jantjies en sy verloofde, Tammy van der Merwe, het in Januarie ouers van ’n seun, Shiloh, geword.
Die aktrise Angelique Potgieter en haar rugbyspelerman, Jacques, het in Februarie hul gesin blitsvinnig van drie tot vyf uitgebrei toe hul tweelingdogters, Annabella en Olivia, hul opwagting maak.
In Maart het Minki van der Westhuizen en haar man, die oudrugbyspeler Ernst Joubert, ’n derde dogter, Elsa, ryker geword. ’n Maand later is die sangeres Charlize Berg en haar man, Warren Linden, se eersteling, ’n dogter genaamd Aleiah-Rose, gebore.
