Anders as jagterversamelaars wat agter die wild aan beweeg, het hierdie gemeenskappe langer tydperke op dieselfde vrugbare plek vertoef waar hulle hul oeste verbou het.
Die eerste groepe van dié Afrikaboere het tussen 1 700 en 2 000 jaar gelede op soek na nuwe grond en ’n geskikte somerreënvalklimaat na die suide van Afrika getrek. Hulle het hul tale, vaardighede en idees saamgebring. Hul beeste, bokke, skape en hoenders het ook saam met hulle na die suide getrek.
Die Afrikaboere het ’n minder nomadiese leefwyse aangehang as die Khoikhoi-herders en San-jagter-versamelaars wat suidelike Afrika in daardie tyd reeds bewoon het.
