Vraag: DRANK VUUR SY PASSIE AAN
Ek en my man is al meer as 20 jaar lank getroud, en ons kinders is al uit die huis. Sy werk het hom voor die inperking baie van die huis weggeneem, en dit begin nou weer gebeur. Sy familie kom nou weer by ons kuier. Dan drink hy te veel en wil die aand seks hê. As hy nugter is, is hy nie so liefdevol nie. Hy drink normaalweg nie baie nie omdat hy soveel op die pad is. Dit gebeur net as ons ’n aand saam met mense braai. Ek wil nie meer saam met hom wees as hy so dronk is nie.
Deur: D op Q23 Oktober 2020 4865 keer gelees
Antwoord
’n Swak selfbeeld sowel as on­sekerheid oor sy vermoëns as minnaar kan tot sulke dronkmansgedrag lei. Party verhoudingsmaats is ook bloot méér in ’n liefdesbui as hulle aangeklam is. Ander het weens negatiewe ervarings in die verlede drank nodig om genoeg moed bymekaar te skraap. Daar is ook dié wat bloot goed en ontspanne voel wanneer hulle ’n drankie in het.
Verhoudingsmaats wat aspris drink om intiem te kan raak, voel soms geïntimideer deur ander aspekte van die verhouding. Hulle kan dalk voel hulle voldoen nie aan hul maats se standaarde nie en dat daar op hulle neergesien word.
As jy met jul huwelik wil voortgaan, sal jy nie net jul liefdeslewe met hom moet bespreek nie, maar ook sy drankprobleem. Niks gaan verander terwyl hierdie patroon in die slaapkamer voortgesit word nie.
Gesels julle ooit oor waarom hy agter drank wil wegkruip? Hy gebruik dalk nie net drank as kruk in jul liefdeslewe nie; ook wanneer hy van die huis weg is. Om by so­siale geleenthede te veel te drink kan die wegspringblok vir alkoholisme wees.
As hy bereid is om saam te werk, kan julle met geduld en verloop van tyd weer in mekaar se arms lê sonder dat jy ongeliefd voel. Maak ook ’n afspraak met jul huisdokter, want jou man se gesondheid kan dalk reeds onder sy gewoontes ly en hy het leiding en dalk ook behandeling daarvoor nodig.
23 Oktober 2020
Kyk in die indeks van onderwerpe om vas te stel of jou vraag nie reeds beantwoord is nie. Liewe Elize kan ongelukkig nie alle vrae beantwoord nie. Van die lesersvrae sal ook in Huisgenoot-tydskrif verskyn en daar beantwoord word.
3 Desember 2020 Jongste uitgawe

Klik hier om te gaan na jóú biblioteek met jou tydskrifte en -koerante.

TEKEN IN
Nuusbrief & kosnuusbrief

Teken in vir ons daaglikse nuusbrief & weeklikse kosnuusbrief!

TEKEN IN
Pasmaats
Kom ons maak n span
Kom ons maak n span
Ek is lewenslustig, hou van die buitelewe toer, kamp, visvang, motor en motorfiets sport. Bou my eie motors en speelgoed. Moet die lewe geniet terwyl n mens kan.
Besigtig profiel
Ons wil jou storie hoor
Het jy 'n storie van hoop, 'n besondere lewensles, 'n vreemde ervaring, lekkerlag-staaltjie of sommer net iets wat jy op die hart het.
DEEL JOU STORIE