Vraag: IS SKEI SONDE?
Ek is al 39 jaar getroud. My man maak dit vir my onmoontlik om by hom te bly. Hy rook, drink en kraak my af.

Ons het al vyf jaar lank geen intieme verhouding nie, maar hy wil geen hulp kry nie.

Ek werk hard in ons onderneming, maar kry geen waardering nie. Dis teen my beginsels as Christen om te skei.
Deur: Werk hard10 September 2018 2082 keer gelees
Antwoord
Dit is ’n leeftyd dat jy al getroud is. Om op hierdie ouderdom nuut oor jou ingesteldheid hieroor te dink is nie maklik nie. 

Maar as ’n deur aanhoudend voor jou toegemaak word, moet jy weer dink. 

’n Mens klou dikwels aan gedagtes oor aspekte van jou lewe vas omdat dit gerieflike verskonings word.

Daag jouself uit en voer ’n gesprek met ’n Christelike berader oor jou lewe saam met iemand wat jou nie liefhet nie, geen respek vir jou gevoelens het nie en jou talente en vaardighede misbruik sonder dat jy enige erkenning daarvoor kry.

Die feit dat hy nie wil hulp kry nie, moet jou nie keer om hulp te kry nie.

Soek jou antwoorde waar dit vir jou saak maak en by ’n klankbord wat dieselfde taal as jy praat.
20 Oktober 2018
Kyk in die indeks van onderwerpe om vas te stel of jou vraag nie reeds beantwoord is nie. Liewe Elize kan ongelukkig nie alle vrae beantwoord nie. Van die lesersvrae sal ook in Huisgenoot-tydskrif verskyn en daar beantwoord word.