Maar ná twee dekades is dit tyd om afskeid te neem: Dr. Phil, oftewel Phillip McGraw, het onlangs bekendgemaak dat hy nie nóg ’n seisoen van sy gewilde televisieprogram sal maak nie.
In die 21 jaar was kykers gekonfronteer met die bisarre, absurde en ook roerende stories van Amerikaners wat in sy program verskyn. Huisgenoot kyk terug na van sy grootste oomblikke, vreemde gaste en die soms uitdagende en hartseer verhale.
Hansel Marion DeBartolo III het die veganisme na ’n ander vlak geneem toe hy in een van die episodes verskyn het en na homself as die “Sexy Vegan” verwys het. Hy het in 2017 in die program verskyn toe familie oor sy vreemde gedrag gekla het nadat hy met ’n vollengte spieël rondgeloop het.
