As iemand wat al sedert haar jeug met dwergisme leef, ken Shauna Rae al die gewone uitdagings wat dié toestand meebring. Sy weet al sy moet in ’n klerewinkel reguit na die kinderafdeling stap om iets te soek wat pas, en sy neem altyd haar ID saam as sy uitgaan, anders word sy nie in kuierplekke ingelaat nie.
Maar Shauna ken ook ’n ander uitdaging wat baie ander mense met dwergisme nie beleef nie. Sy het ’n ongewone vorm van dié toestand wat meebring dat haar groei en die ontwikkeling van haar voorkoms op ’n baie jong ouderdom stilgestaan het. Vandag staan sy nie net 1,2 m hoog nie; sy lyk ook soos ’n laerskoolmeisie, selfs al is sy 23 jaar oud.
Toe dit duidelik raak Shauna, van Long Island, New York, is oud genoeg om in kêrels belang te stel, het haar ouers haar sitgemaak en met haar ’n sensitiewe, moeilike gesprek gehad.
