Dié eNuus-nuusleser gaan eersdaags ook in die oggendprogram Die groot ontbyt op kykNET te sien wees.
“Nou is daar geen teleprompter (waarvan jy lees) nie. Jy moet twee uur lank gesels en kykers inlig,” vertel sy telefonies aan Huisgenoot.
Die afgelope byna nege jaar is Jenna-Leigh ’n nuusleser op eNuus, die Afrikaanse nuusprogram om seweuur op kykNET. Elke aand groet sy kykers deur te sê: “Goedheid en guns, goeienaand”. Sy sien daarna uit om dié goedheid en guns nou ook soggens met mense te deel.
