Die vrou, net bekend as Jahrah (54), was Sondag op pad huis toe vanaf ’n rubberplantasie, maar sy het volgens haar man nooit by die huis in Jambi op die eiland Sumatra in Indonesië aangekom nie.
Haar man kon haar nie opspoor nie, maar hy het die Sondagaand haar skoene, serp, baadjie en van haar werksgereedskap naby die rubberplantasie gekry.
Inwoners van Jambi het Maandag (23 Oktober) ’n luislang naby die rubberplantasie gewaar wat besonder opgeblaas gelyk het, volgens AKP Harefa, Jambi se polisiehoof.
