My kinders het kleintyd die program gekyk, en my jongste het as kleuter oral sy Barney-pop met hom saamgedra. Hy was baie lief vir sy pers dinosourus.
Toe dit winter word, moes my ma vir Barney ’n kamerjas brei om hom warm te hou, en een Saterdag het my kind aangekondig dis Barney se verjaardag en ons moet partytjie hou.
Ek moes kolwyntjies bak; ons moes sing en kersies doodblaas.Vandag woon Barney in die kas saam met ander dinge uit ’n vorige tyd, en hy sal eendag saam met my moet aftreeoord toe trek, want ek twyfel of ek hom ooit sal mag weggee.
