Hoe haak jy jou voornemens aan enigiets as die wêreld so ’n warboel is?
Hier teen die einde van 2022 het ek ’n bietjie vuisvoos gevoel. Te veel kere het ek myself skielik onverwags in die hoekie op die skerm van ’n video-oproep gesien waar my hare na ’n deurmekaarspul lyk van rondhol tussen al die dinge wat ons in soveel verskillende rigtings trek.
Te veel kere het ek verjaardae vergeet; te veel kere het ek haastig van die een ding na die volgende gespartel; te veel kere het ek nie gedoen wat ek moes, wou en kon nie.
