Covid-19 is in Augustus verlede jaar by Saskia Lane (22) gediagnoseer en sy is in dieselfde tyd in die Princess Royal-hospitaal se waakeenheid opgeneem weens asemhalingsprobleme. Sy was agt maande swanger – en het later in ’n koma verval.
Dokters, wat gevrees het Saskia sou nie oorleef nie, het ’n noodkeisersnee uitgevoer sodat haar liggaam net op haar eie herstel kon fokus. Klein Betsy Mae is op 4 September gebore, maar die gesonde kleinding was al vier weke oud voor Saskia uit haar koma ontwaak en haar dogtertjie kon ontmoet het.
Nou, terugskouend, vertel sy van die emosionele en fisieke stryd wat sy deurgemaak het sedert sy in die hospitaal opgeneem is – en veral die impak van die laaste jaar se gebeure op haar geestelike gesondheid, al is sy dankbaar om te leef.
