Meisie stuur ‘Kersvader se DNS’ vir die polisie om na te speur of hy bestaan

akkreditasie
Niemand kon vir haar antwoorde gee oor of Kersvader bestaan of nie, toe besluit ’n laerskoolmeisie van Rhode Island in Amerika om professionele hulp in te roep.
Die brief wat ’n tienjarige meisie van Rhode Islan
Die brief wat ’n tienjarige meisie van Rhode Island aan die Cumberland-polisie in Amerika geskryf het om te vra of hulle sal ondersoek doen of Kersvader bestaan. Foto: Verskaf

Die Cumberland-polisie van Rhode Island het vandeesweek die brief van ’n 10-jarige meisie gedeel waarin sy vra dat hulle ’n koekie en wortels moet ondersoek wat vermoedelik deur Kersvader en sy takbokke geëet is.

“Ek het ’n monster geneem van ’n koekie en wortels wat ek op Kersaand vir Kersvader en sy takbok gelos het en wonder of julle ’n DNS-monster kan neem en kyk of Kersvader wel bestaan?” lui die handgeskrewe brief wat sy aan die polisie geskryf het.  

Die Cumberland-polisie het die saak met groot erns
Die Cumberland-polisie het die saak met groot erns hanteer. Foto: Verskaf

Die polisie het die saak met “groot erns” hanteer en hulle het die pakkie met bewysstukke vir die forensiese eenheid gestuur, het Matthew Benson, hoof van die Cumberland-polisiekantoor, in ’n persverklaring gesê.

“Die jong meisie het duidelik ’n groot belangstelling in die ondersoekproses en om die waarheid uit te vind en sy het ’n fantastiese werk gedoen om haar bewyse te verpak. Ons sal ons bes doen om antwoorde vir haar te kry,” het Matthew bygevoeg.

Die voorlopige “bewyse” wat die Cumberland-polisie
Die voorlopige “bewyse” wat die Cumberland-polisie het dat Kersvader bestaan is dat een van hierdie takbokke in die omtrek van Rhode Island op kringtelevisie vasgevang is, het die Cumberland-polisie op sosiale media gesê. Foto: Verskaf

Die meisie se ma sê sy was nog altyd 'n bietjie skepties en op soek na die feite, en sy het selfs haar eie kamma-laboratorium by die huis.

“Ek kyk misdaadreekse en ek dink dit moet nogal cool wees om ’n speurder te wees,” het sy aan ABC 7 Chicago gesê.

Matthew het die meisie geantwoord dat hulle reeds bewyse van Kersvader se teenwoordigheid in die omtrek gesien het en dat hulle nou vir die toetsresultate wag. 

“ ’n Kringtelevisiebeeld wys ’n foto van ’n takbok in die omgewing. Ons het ook inligting dat die individu wat ons in daardie gebied gesien het pas by die beskrywing van wat mense sal beskou as Kersvader,” het Matthew gesê.

“Ons het die individu opgespoor en hoop om moontlik hierdie week ’n onderhoud met hom te voer.”

Sy hoop die resultaat van die DNS-toets sal wees dat Kersvader regtig bestaan, het die laerskoolmeisie van Rhode Island gesê.

Jongste uitgawe

9 Februarie 2023

Jongste uitgawe
Klik hier om te gaan na jóú biblioteek met jou tydskrifte en -koerante.
Begin lees