’n ‘Boris Johnson’-ewebeeld steel geld en Vivienne Westwood-oorbelle uit handsak

akkreditasie
0:00
play article
Intekenare kan na hierdie artikel luister
Hy het al 210 skuldigbevindings teen hom en kom van Hull in Engeland af. Hy is 43 met ’n kuifkop wat lyk soos geel spookasem. Jason Watson lyk nes die leier van Engeland.
Die Britse premier Boris Johnson. Foto: Gallo Imag
Die Britse premier Boris Johnson. Foto: Gallo Images/ Getty Images

Die regte Boris het nog nie reageer op dié Jason se manewales wat hom so sleg laat lyk nie, maar hy het onlangs in ’n toespraak belowe hy gaan diewe en inbrekers en diewe met elektroniese bandjies merk en volg.

Dis hoog tyd, want Jason en sy makker Adrian Awty (45) het altesaam 44 inbrake tussen die twee van hulle. Adrian is al 96 keer skuldig bevind.

In hul mees onlangse misdryf het hulle die House of Panini Café in Prospect Street in Hull op hul voorstoep geteiken en sowat £1 280 (R26 637) kontant uit ’n kelnerin se handsak gesteel, geld wat die eienaar vir haar gegee het om die plek aan die gang te hou terwyl hy weg is.

Sy het dit eers ure nadat “Boris” toegeslaan het, opgemerk. Van die ander goed wat uit die restaurant gebuit is, was sleutels, bankkaarte en 'n paar Vivienne Westwood-oorbelle, wat die waarde van die skelms se buit na altesaam £2 280 (R47 377) laat styg het.

Jason en Adrian het gou hul rieme styfgeloop nadat hulle op beeldmateriaal van die veiligheidskameras herken en opgespoor is. Hulle is in Jason se woonstel vasgetrek waar hy probeer het om die voordeur te probeer versper met meubels.

Hulle strooptog by die restaurant het al op 28 September gebeur en hulle is beide intussen tot tien maande agter tralies gevonnis. Weens al hulle vorige oortredings het die magistraat (“recorder”) Megan Rhys hulle kwaai gewaarsku.

Of die eerste minister van die Verenigde Koninkryk, Boris Johnson, sy ewebeeld gaan genadig wees, lyk onwaarskynlik.

Boris Johnson ontmoet die koningin vir die eerste
Boris Johnson ontmoet die koningin vir die eerste keer as eerste minister. Foto: Gallo Images/ Getty Images
Teken hier vir ons nuusbriewe in:

Kry die dag se sterkste stories, die week se lekkerste resepte, die maandelikse nuus oor modes, boeke, skoolsake en hartsake. Teken nou in!

Jongste uitgawe

18 Augustus 2022

Jongste uitgawe
Klik hier om te gaan na jóú biblioteek met jou tydskrifte en -koerante.
Begin lees
Huisgenoot Eisteddfod

Wys jou talent en kry meestersklasse by bekendes!

Huisgenoot Eisteddfod
Is jou kind talentvol en lief vir die kunste? Skryf nou in vir Huisgenoot se splinternuwe aanlyn nasionale kunsfees.
Skryf nou in