Dít is die werklikheid vir die Amerikaanse vrou Jill Price (57) wat elke dag van die afgelope vier dekades van haar lewe kan onthou. Noem enige datum – sy kan onthou wat sy daardie dag geëet en gedoen het, wat sy gedra het, watter haarstyl sy gehad het en selfs wat die weer was.
“My gedagtes is soos videotonele oor herinneringe van elke dag van my lewe. Dit speel konstant in my kop, dit flits deur die jare en kan my na enige oomblik in die verlede neem,” skryf sy in haar outobiografie, The Woman Who Can’t Forget.
Dié Kaliforniese vrou kan die dag onthou toe dit begin het: “Vanaf 5 Februarie 1980 kan ek alles onthou. Dit was ’n Dinsdag.”
