Maar dis vandag presies die verhaal wat Michelle Botha (60), ma van die oud- professionele sokkerspeler Ryan Botha, vanuit haar hospitaalbed kan vertel.
Laas Woensdagmiddag het heel rustig begin by die Bothas se huis in Ballitoville, Durban. Michelle het voor die televisie ontspan, terwyl haar man, Dave (66), gery het om vir hulle te gaan aandete koop.
Maar net ná vier – en kort voor Dave weer by die huis sou aankom – het hy ’n benoude oproep van Michelle gekry: Sy vrou van 44 jaar is nie eenkeer nie, maar drie keer deur ’n swartmamba op haar regterhand gepik. Toe moes Dave, ’n sakeman, blitsvinnig te werk gaan om Michelle se lewe te red – so vertel Ryan (44), hul oudste seun, aan Huisgenoot.
