Raai wat het Oscar Pistorius met sy naam gemaak

akkreditasie
Oscar het dié stap geneem om uitbuiting te verhoed.

Oscar Pistorius het sy naam as ’n handelsmerk laat registreer sowat ’n jaar voordat hy weens die dood van sy meisie, Reeva Steenkamp, gevonnis is, berig TimesLive.

Dié aansoek om sy naam te laat registreer is ’n maand voor sy vonnis van ses jaar weens moord goedgekeur.

Volgens TimesLive het Oscar sy naam laat handelsmerk om te keer dat dit uitgebuit word.

Elaine Bergenthuin, ’n regskenner in intellektuele eiendom, het aan TimesLive gesê dít beteken in die praktyk dat niemand byvoorbeeld ’n opleidingsentrum kan hê en dit na Oscar Pistorius vernoem nie. Mense kan ook nie ’n klerehandelsmerk of sportgoedere maak en Oscar se naam daarop sit nie.

[caption id="attachment_170333" align="aligncenter" width="600"]Oscar op 26 August 2011 in Daegu, Suid-Korea. (Foto: Chris McGrath/Getty Images) Oscar op 26 Augustus 2011 in Daegu, Suid-Korea. Foto: Chris McGrath, Getty Images[/caption]

Bergenthuin het aan TimesLive gesê voor Reeva se dood was Oscar se “naam en beeld ’n handelsmerk wat miljoene werd is”. Hy was die ambassadeur vir verskeie eksklusiewe handelsname soos Nike en Thierry Muglier.

 

TimesLive berig Oscar het in Februarie 2015 die aansoek gebring om sy naam as handelsmerk te laat registreer. TimesLive het die dokumentasie onder oë gehad. Die aansoek is in Junie 2016 goedgekeur. Oscar is ’n maand later gevonnis.

Die handelsmerk op Oscar se naam is geldig vir 10 jaar.

Oscar se handelsmerk is spesifiek gerig op chirurgiese en mediese apparate en instrumente, ortopediese produkte en prostetiese en kunsmatige ledemate.

Jongste uitgawe

11 Augustus 2022

Jongste uitgawe
Klik hier om te gaan na jóú biblioteek met jou tydskrifte en -koerante.
Begin lees
Huisgenoot Eisteddfod

Wys jou talent en kry meestersklasse by bekendes!

Huisgenoot Eisteddfod
Is jou kind talentvol en lief vir die kunste? Skryf nou in vir Huisgenoot se splinternuwe aanlyn nasionale kunsfees.
Skryf nou in