Vroeg een oggend in Junie 1982 is ’n deftig geklede man gevind waar hy aan steierwerk onder Blackfriarsbrug in Sentraal-Londen hang.
Die dooie man het twee Patek Philippe-horlosies by hom gehad, een aan sy gewrig en een in sy boonste baadjiesak. Albei het gaan staan. Die sakke en some van sy paklangbroek het vyf kilogram bakstene en rommel ingehad.
Hy het ook ’n vervalste Italiaanse paspoort en sowat £10 000 kontant by hom gehad. Die volgende dag het die polisie in Rome die man se identiteit bevestig.
