Vermoorde Leigh Matthews se pa ná Moodley-paroolverhoor: ‘Hierdie ou is ’n monster’

Rob Matthews en sy blondekopvrou, Sharon, was albei daar. 

Gereed om die man wat hul dogter, Leigh, ’n dag ná haar 21ste verjaardag ontvoer en later koelbloedig vermoor het, 17 jaar ná sy vonnis weer in die oë te kyk en sy parool teen te staan.

Dit was asof Rob hom vir die ergste voorberei het, want hy wou almal daar hê. Die hele land se media sodat indien Donovan Moodley se parool toegestaan word, die hele land sy wekroep sal hoor en saam met hom sal staan.