Vrou gaar 18 maande lank kathare op om kat-pantoffeltjies te maak

akkreditasie
0:00
play article
Intekenare kan na hierdie artikel luister
’n Toegewyde kateienaar het al haar geliefde troeteldier se hare vir 18 maande lank bymekaar gemaak om hierdie liefdestaak te voltooi.
Foto: AsiaWire/Magazine Features
Foto: AsiaWire/Magazine Features

Die kat se eienaar, bloot net bekend as me. Zhou van Xuzhou in die oostelike provinsie Jiangsu in China, het foto’s van haar vordering op Douyin gedeel, die plaaslike weergawe van TikTok.

Al te spoggerig met daardie pantoffels! Foto: Asia
Al te spoggerig met daardie pantoffels! Foto: AsiaWire/Magazine Features
Knus in kathaar geklee. Foto: AsiaWire/Magazine Fe
Knus in kathaar geklee. Foto: AsiaWire/Magazine Features

Alhoewel die kat se hare met verloop van tyd verbleik het, kon sy tog daarin slaag om vier pare piepklein pantoffels vir haar troeteldier te maak. En, het sy almal gerusgestel, die kat is nie in die proses beseer nie. Sy het bloot net die hare bymekaar gemaak nadat die kat dit op ’n natuurlike wyse verloor het.

Sy kon vier pare pantoffels uit al die kathare pra
Sy kon vier pare pantoffels uit al die kathare prakseer. Foto: AsiaWire/Magazine Features

Sy het ’n liniaal ingespan om die kat se pote te meet voordat sy haar harige versameling in pantoffels omskep het. Die kat lyk ewe ongestoord deur die hele affêre.

Daar is vooraf gemeet en pas om seker te maak die
Daar is vooraf gemeet en pas om seker te maak die pantoffels is die regte grootte. Foto: AsiaWire/Magazine Features

En toe’s dit tyd vir poot in pantoffel. Dit lyk boonop na die perfekte pasmaat vir dié bedorwe brokkie.

Dit is onseker of sy ook vir haar ander katte dieselfde prima-pantoffelbehandeling gaan gee.

Teken in op ons nuusbriewe

Kry die dag se sterkste stories, die week se lekkerste resepte, die maandelikse nuus oor modes, boeke, skoolsake en hartsake. Teken nou in!

Jongste uitgawe

19 Mei 2022

Jongste uitgawe
Klik hier om te gaan na jóú biblioteek met jou tydskrifte en -koerante.
Begin lees