Kayla LaVende was só angstig oor die verleentheid daarvan om twee sitplekke in ’n vliegtuig te moes volsit, dat sy destyds, toe sy nog 152 kg geweeg het, ’n paniekaanval gehad het.
Dít was vir die 38-jarige inhoudskepper van Las Vegas in Amerika die keerpunt om haar leefstyl drasties te verander.
Kayla het met Southwest Airlines vanaf Las Vegas na Los Angeles gevlieg om haar Australiese paspoort te hernu. Die vlug was genadiglik minder as ’n uur, maar het soos ’n leeftyd vir haar gevoel.
Dit was die eerste keer in meer as 10 jaar dat sy op haar eie gevlieg het. Om die roete met Southwest te vlieg, kos R4 080 en dit was dus nie ’n goedkoop besluit nie.
“Ek het dit gedoen, want ek het nie besef hoeveel van daardie tweede sitplek ek sou opneem nie. Ek het sowaar twee sitplekke vol gesit.
“Personeel by die Southwest-lugredery het my eerste aanboord laat klim en my sitplek laat kies, en ek het die heel laaste ry gekies sodat niemand verby my kon stap en staar nie.
“Ek het heeltyd myself so klein moontlik probeer maak en gewens ek is onsigbaar. Daar was ’n fyngeboude vrou in die derde sitplek van daardie ry. Sy het niks gesê nie, maar ek kon sien hoe sy my aanstaar.”
Kayla weeg nou ’n gesonde 63 kg en dra ’n nommer ses tot agt-grootte teenoor die nommer 26 wat sy voorheen moes koop.
Kayla het in twee jaar die sowat 90 kg gewig verloor deur daagliks 120 g proteïen, minder as 30 g koolhidrate en minder as 20 g suiker in te neem en baie water te drink. Sy volg ook hoofsaaklik ’n ketodieet.
Sy verdeel haar gewigsoefeninge in afdelings wat die hele liggaam teiken. Sy doen plankoefeninge, opsitte en haar kardio-oefening sluit in om te draf, te stap en op die StairMaster-trapmasjien te oefen.
Huisgenoot het ’n maklike, bekostigbare aanlyn oplossing. Kies uit een van ons drie eet- of oefenprogramme, en jy kry lewenslange toegang tot die aanlyn programme vir slegs R495 elk.
- Klop die Skaal: Skud tot 1 kg per week af met ons gewilde eet- en oefenplan vir vroue.
- Groet jou Boep: Kry ’n plat maag met ons eet- en oefenplan vir mans.
- Geen Gim: Bou ’n gesonder, sterker lyf met ons eenvoudige oefenplan vir besige vroue.
