Is jou tiener verslaaf aan sy selfoon? Hier’s hulp

“Maar Ma, dis al hoe ek met my vriende kan gesels!”

As jy ’n tiener het, het jy waar­skynlik gereeld die afgelope paar maande dié woorde gehoor wanneer jy jou kind vra om ’n slag sy foon weg te sit.

Die inperking het dit allermins mak­liker gemaak om die tyd te bestuur wat ons kinders op hul foon deurbring. Die jongklomp gebruik dit boonop nie net om met hul vriende verbind te bly en dinge op die internet te lees nie; talle onder­wysers gebruik ook nou WhatsApp om leerstof aan te stuur.