Die wiele van die gereg draai soms pynlik stadig – vra maar vir Louise Nell, ’n geskeide ma van twee wat 10 jaar lank gesukkel het om haar eksman, Andrei Potgieter, sover te kry om agterstallige onderhoud te betaal.
In daardie tyd het hul seuns grootgeword en hul eie loopbane begin volg, terwyl sy steeds gewag het dat hy moes opdok.
En toe ’n landdroshof hom in 2018 tot ses jaar tronkstraf vonnis omdat hy sy plig teenoor sy kinders versuim het, was Potgieter (57) binne drie maande op borgtog uit nadat hy appèl aangeteken het.
