Die somer is om die draai, wat beteken dit raak tyd om jou onderlaag te verruil vir een wat die hitte kan weerstaan.
In warmer weer het jy ’n onderlaag nodig wat lig is maar tog hou, en jy moet jou vel behoorlik voorberei voor jy dit aanwend. Ons gee raad oor watter soort en skakering onderlaag die beste vir jou vel sal werk, asook hoe om dit aan te wend.
Jy soek ’n someronderlaag wat lig voel en lank aanbly. Maar dit wissel na gelang van jou velsoort. As jy ’n olierige vel het, moet jy ’n mat of glansvrye onderlaag gebruik wat ook die bogenoemde eienskappe bevat.
