Jy het nie ’n ingewikkelde velsorgroetine met ’n horde stappe nodig om jou vel daagliks op sy beste te laat lyk nie. Hieronder verduidelik ons watter produkte jy benodig en in watter volgorde jy dit moet inspan.
- Reiniger
- Verfrisser (toner)
- Serum
- Oogroom
- Bevogtiger
- Gesigolie/Reinigingsolie
- Sonskerm
1. Reiniger
Die belangrikste stap na ’n mooi gelaat is reiniging. As jy jou vel deeglik skoonmaak, verwyder jy die dooie selle en dit hou jou vel vars. Skoon vel reageer ook beter op velsorgprodukte.
2. Verfrisser
Verfrisser het in die verlede altyd alkohol bevat wat tot irritasie en rooiheid kon lei, maar nou is daar ’n groot verskeidenheid verfrissers beskikbaar wat van natuurlike en voedsame bestanddele gemaak is. Dis vol bevogtigende eienskappe wat help met die behandeling van aknee en puisies.
“’n Verfrisser moenie swaar voel nie. Die doel daarvan is om jou vel voor te berei sodat die ander produkte behoorlike geabsorbeer kan word,” sê dr. Mona Gohara, ’n dermatoloog en dosent verbonde aan die Yale-universiteit se mediese fakulteit.
3. Serum
As jy sigbare resultate soek, is ’n serum noodsaaklik. Serum penetreer die vel dieper en help dit om ander produkte soos jou bevogtiger beter te absorbeer.
4. Oogroom
Gebruik ’n oogroom wat vitamien C, peptiede en retinol bevat. Room met komkommer in help met pofferige oë, want die komkommer verbeter sirkulasie.
Gebruik jou ringvinger om dit sagkens onder en rondom jou oë aan te wend in ’n opwaartse sirkelbeweging. Moenie dit naby die wimperlyn en binnehoeke van die oë smeer nie. Tik dit liggies aan tot die room geabsorbeer is.
5. Bevogtiger
In die somer kan jy ’n ligte bevogtiger aanwend om te sorg dat jou vel koel en bevogtig voel. Verander jou bevogtiger van ’n room na ’n jelbevogtiger vir warmer seisoene. Die vel absorbeer jelbevogtiger vinniger en beskerm die vel.
6. Gesigolie/Reinigingsolie
Reinigingsolies laat die vel sag en soepel voel. Dit werk vir alle velsoorte en is veral goed vir droë vel. Dit verwyder grimering maklik, insluitend hardnekkige produkte.
Reinigingsolies kan voor ’n gewone reiniger vir gebruik word vir ’n dubbeldosis reiniging.
7. Sonskerm
Kies ’n produk met ’n hoë sonbeskermingsfaktor (SBF) om jou vel teen fyn plooitjies, pigmentasie en velkankers in die toekoms te beskerm, sê die dermatoloog dr. Li-Chuen Wong.
Wend SBF ná jou serum en vogroom aan, maar vóór jou onderlaag, en gebruik die regte een vir jou veltipe. As jou vel sensitief is of geneig is tot aknee, kies ’n ligter jel, room of melkagtige produk.
Beproef
- 1. All Good SPF 50+ Sport Sunscreen Butter Stick, R339.
- 2. Hey Gorgeous Vitamin C Boosting Serum, R399 vir 30ml.
- 3. Skin Creamery Wildflower Water-Cream, R365 vir 50ml.
- 4. Suki Suki Papaya Rose Hydrating Facial Mist, R355 vir 100ml.
- 5. Skin Creamery Facial Hydrating Oil, R325 vir 30ml.
- 6. Natraloe Eye Cream, R180 vir 15ml.
- 7. Back 2 Nature Face Wash, R149 vir 100ml.
Ekstra bronne: Cosmopolitan, InStyle, Dermastore.com
Kry die dag se sterkste stories, die week se lekkerste resepte, die maandelikse nuus oor modes, boeke, skoolsake en hartsake. Teken nou in!
