Kyk nou maar net wat het dié week in die kykNET-maatsoekreeks Boer soek ’n vrou op Francois se plaas in Oudtshoorn gebeur. Sy twee kuiergaste, Vanessa en Lorinda, het reeds laat blyk dat hulle albei ewe erg oor die volstruisboer is.
Lorinda het hom dié week weer gekomplimenteer en ook gesê sy glo sy het alles gedoen om vir hom te wys hoe sy oor hom voel en dat sy in hom en sy boerdery belangstel.
Uitstemtyd breek aan en ’n senuagtige Francois moet kies wie moet gaan. Eers verduidelik hy hy soek ’n vrou met wie hy alles saam kan doen vir die res van sy lewe.
