Eddie Wallace (37), ’n pa van een, se hartsbegeerte is om saam met sy seun te kan speel, sonder om te voel dis te veel moeite. “Ek wil ’n slag net gesond wees. En weer saam met my laaitie kan speel.”
Dink jy aan ’n gewigverlies-program gaan draai jou gedagtes onmiddellik by die Amerikaanse TV-program The Biggest Loser. Daar word individue deur wrede uitdagings gesit om gewig te verloor.
Maar VIA se Die groot afskud is ’n ander soort gewigverlies-program. Daar werk deelnemers nie net aan hul lyf nie, maar ook aan hul gees.
