Tien episodes van naelbyt-aksie is net die ding om die nuwe jaar mee te begin. Byl en sy span keer terug vir ’n vierde seisoen waarin hulle legkaartstukke moet uitpluis om nuwe reeksmoorde op te los. Nes die vorige drie seisoene beloof dit om kykers weekliks te laat regop sit.
In elk van die 10 dubbelepisodes – een ondersoek wat oor twee episodes strek – is ’n reeksmoordenaar op wie se spoor kol. Piet van der Bijl (gespeel deur Waldemar Schultz) en sy span speurders is. Daar is ’n deurlopende storielyn: ’n psigopaat wat ’n groot sirkel van invloedryke mense in sy sak het.
Die gewese 7de Laner Waldemar klim weer in die skoene van Byl, en Marvin-Lee Beukes, wat tans te sien is as die tweeling Donovan en Greg in Suidooster, is weer te sien as kapt. Juan Stuurman.
