Kyker herleef eie trauma na 7de Laan se Connie brand

Uit die hoek van haar oog sien sy die noodlig op die kragbreker flikker. En met ’n dekade se ervaring as elektrisiën agter die rug weet sy wat gebeur: Dis ’n kortsluiting op die kragbreker waardeur 400 volt stroom.

Binne ’n millisekonde kan sy onherkenbaar verbrand of dalk selfs sterf.

Die 46-jarige Christel Rawstorne draai haar gesig weg, knyp haar oë toe en voel die hittegloed aan die linkerkant van haar gesig en nek. Sy val op die grond neer.