1. Dié splinternuwe dramareeks, wat op 7 Februarie sy debuut op kykNET maak, bestaan uit 13 episodes en gaan oor ’n dominee van ’n kerk op die Hoëveld wat soos vele van haar mede-predikante sukkel om die kerk se koffers vol te kry.
Daarom stem sy in om ’n kontrak te sluit om ’n gereelde Saterdagmark op die kerkterrein te hou. Kykers sal in die volgende paar weke die lewe van dié naweeksmouse volg en deel in hul blydskap, swaarkry, oorwinnings en verliese.
2. Soos die karakters die kykers met hul sout-van-die-aarde-manewales inkatrol, word die spanningslyn versterk wanneer die ondenkbare in die agtergrond gebeur. Die damwal reg bokant die gemeenskap gaan bars . . . en al mense wat hiervan weet, is die wetenskaplikes.
