Die jongste storielyn gaan oor die 15-jarige Adri van Tonder (Jane de Wet) wat uitvind sy is as baba gesteel. Sy word dan terugbesorg aan haar familie op die plaas Steynhof, maar die plaas werkers is nie juis bly om haar te sien nie, want dit beteken net een ding: Hul aandeel in die plaas is nou in gedrang.
Hier verklap Wayne (42) meer oor sy rol en lewe weg van die kassie.
Hy is baie ambisieus en neem sy werk baie ernstig op. As hy eers op iets besluit, kry hy dit gedoen. Ek sou graag wou dink dat die ander plaaswerkers Simon respekteer. Hy het hard baklei om seker te maak die plaaswerkers word regverdig behandel vir die harde werk wat hulle elke dag insit.
