Suidooster, die eerste Afrikaanse sepie wat in Kaapstad verfilm word, het op 16 November 2015 sy debuut op die kassie gemaak.
Dis aanvanklik net drie dae per week uitgesaai. Die afgelope twee jaar vermaak die inwoners van Ruiterbosch kykers vyf dae per week. Die sepie se volgehoue sukses kan aan sy uniekheid toegeskryf word, sê Paul Venter, een van die vervaardigers.
“Dis ’n unieke groep mense met unieke stories wat nie net die gewone intrige, drama, spanning en liefdesverhale bring wat ’n mens in ’n sepie verwag nie, dit stel die kykers ook bloot aan nuwe kulture, gebruike en selfs taal. Met heelwat eerstes op die Suid-Afrikaanse televisie,” sê Paul.
