Gnocchi met broccoli-roomsous en bros aartappelskille

Gnocchi

• Skil die aartappels en hou die skille eenkant in ’n bak gesoute water (vir latere gebruik).
• Halveer die aartappels en sit in ’n kastrol.
• Bedek met water en laat kook tot die aartappels gaar is.
• Dreineer in ’n vergiettes en laat 10 min. droog- stoom.
  
• Druk die aartappels fyn en hou eenkant om af te koel.
  
• Skep die fynaartappel in ’n hopie op ’n skoon werkoppervlak.
• Sprinkel die meel en sout oor.
• Maak ’n holte in die middel en giet die eiers daarin.
• Meng met ’n vurk en skep die aartappel-en-­meelmengsel oor die middel.
• Meng tot ’n sagte deeg vorm.
  
• Rol die deeg in ’n bal en verdeel in 4 gelyke dele.
• Maak die werkoppervlak skoon en bestrooi weer liggies met meel.
• Rol elke deegbal in ’n slangetjie en sny dan in 2 cm-­kluit-jies met ’n skoon mes.
• Bestrooi met meel en hou eenkant.
  

Sous

• Verhit die botter en olie in ’n diep pan en braai die knoffel en spek tot bros.
• Verlaag die hitte, strooi die meel oor, meng deur en giet die room by.
• Roer aanhoudend tot die sous verdik.
• Voeg die gerasperde broccoli by en laat 5 min. liggies prut.
• Geur met die sout en vars gemaalde peper na smaak.
  

Afronding

• Bring ’n groot pot gesoute water tot kookpunt.
• Kook die gnocchi-kluitjies in ­sarsies daarin.
• Dit is gaar wanneer dit begin dryf.
• Skep met ’n gaatjieslepel uit, direk in die sous in.
• Herhaal met die res van die gnocchi.
  
• Verhit ’n bietjie olie in ’n diep pan vir vlakbraai.
• Haal die aartappelskille uit die water uit en klad goed droog met ’n teedoek.
• Braai die skille in sarsies tot goudbruin en bros.
• Dreineer op kombuispapier en besprinkel met die kruie en speserye.
  
• Verdeel die gnocchi en sous tussen 4-6 bakkies, sprinkel van die bros aartappelskille oor en garneer met pietersielie.