Romerige sampioen-mielierys met basilie en pekanneute

• Verhit die olie en botter in ’n diep pan en roerbraai die sampioene tot goudbruin. Skep die helfte uit en hou eenkant.
  
• Voeg die preie en knoffel by die oorblywende sampioene in die pan en roerbraai 10 min. of tot die preie sag is.
  
• Roer die gaargekookte mielierys, room, suur­lemoenskil en neutmuskaat by en roer oor matige hitte tot deurwarm.
• Geur met die sout na smaak.
  

Vir voorsit

• Verdeel die mielierys tussen 4 bakkies en pak die oorblywende gebraaide sam­pioene bo-op.
• Sprinkel die basilie en pekanneute, indien gebruik, oor en sit voor saam met die suurlemoenwiggies.