Die Covid-19-pandemie en die inperking het ook sy stempel afgedruk op die produksie van dié gids, maar hoewel dit later as normaal is, is die gids nou beskikbaar, sê mnr. Koos le Roux, een van die samestellers.

Le Roux en sy vrou, Marietjie, gee die gids jaarliks uit. Mnr. Derick le Roux, ’n ingenieur, is die afgelope twee jaar ook deel van die span.

Die gids is só saamgestel dat verskillende trekker-en-werktuigkombinasies se koste afsonderlik of gesamentlik van die tabelle af gelees kan word, in rand per uur of rand per hektaar. “Op die een bladsy word die koste in rand per uur verskaf, en op die teenoorgestelde bladsy word rand per hektaar verskaf,” sê mnr. Koos le Roux.

Die gids kos R350. Vir nog inligting of om die gids te bestel, kontak mnr. Koos le Roux by koosleroux@live.co.za of 082 828 9531.

* Landbou.com het een eksemplaar van die gids om weg te gee. Belangstellendes kan e-pos na alani.janeke@landbou.com stuur. Die wenner sal op Vrydag 17 September aangewys word.

*Baie geluk aan mnr. Jason Vermeulen wat die gids gewen het.