Dís nou volgens die beoordelaars van die toonaangewende Concours Mondial du Sauvignon wat in Brussels, België, aangebied word. 

Die Tokara Reserve Collection Sauvignon Blanc 2020 (R160 per bottel) het stof in die oë van 1 200 ander internasionale wyne geskop toe dit onlangs aangewys is as die beste Sauvignon Blanc van dié kompetisie. 

Dit was die enigste Suid-Afrikaanse wyn wat ’n trofee ingepalm het. 

Mnr. Stuart Botha het die wyn gemaak met druiwe uit Tokara se wingerde in Elgin, wat bekend is om sy koeler klimaat. “Die wyn kom van stellig die beste terroir in Suid-Afrika. Met dié terroir en ons span kan ons enigiets bereik.”

Stuart Botha, Tokara
Mnr. Stuart Botha met die Tokara Reserve Collection Sauvignon Blanc 2020 . Foto: Verskaf