Hy is ’n voormalige voorsitter van Agri Limpopo en was in 2007 die provinsie se Boer van die Jaar en ’n finalis vir die Nasionale Boer van die Jaar.

John boer met Bonsmarabeeste, Boerbokke, Dorpers en wild en is die eienaar van Boelamien Safari’s in ’n omgewing waar boere voortdurend planne moet maak om die natuur se aanslae af te weer. Benewens die grootste struikelblok– droogtes – het hy ook met roofdiere te doen.

Hoewel die Limpoporivier ’n hanetree van sy huis af verbyvloei, is besproeiingsmoontlikhede nie onbeperk nie, want die rivier vloei nie altyd nie. Dit reën ook min.

John moet vindingryk weesom te sorg dat sy vee en wildaltyd genoeg kos het. Daarvoor het hy ’n voervloeiprogram ontwikkel met aangeplante weiding onder besproeiing (lusern, bloubuffelgras, stergras en radyse) om die natuurlike veldweiding aan te vul. John maak verder hooi van die oortollige aangeplante weiding, baal dit en berg dit op.

Dié artikel het in gedenkuitgawe vir Landbouweekblad se 95ste verjaardag verskyn.