1 ui, gekap

2 appels, geskil, ontkern en gerasper

30 ml olyfolie

5 ml sout

15 ml kerriepoeier

5 ml borrie

2 ml elk fyn gemmer, kaneel en komyn

250 g varkmaalvleis

250 g beesmaalvleis

250 ml water

30 ml bruinasyn

30 ml blatjang

20 ml gladde appelkooskonfyt

Bolaag

375 ml vars broodkrummels

60 ml gesmelte botter 2 appels, geskil, ontkern en grofgerasper 180 ml gerasperde cheddarkaas Sout en varsgemaalde swartpeper na smaak

Voorverhit die oond tot 180 °C en smeer ’n middelslag-oondbak liggies met olie. Braai die gekapte ui en gerasperde appel in die olyfolie tot sag. Voeg die sout en speserye by en braai tot geurig.

Voeg die twee soorte maalvleis by en braai tot gaar. Voeg die water, asyn, blatjang en appelkooskonfyt by en prut tot die sous afgekook is. Skep die vleismengsel in die oondbak.

Bolaag: Meng die bestanddele vir die bolaag goed saam en skep oor die vleislaag.

Bak vir 30 minute tot goudbruin en deurwarm. Sit die bobotie voor saam met ’n slaai van jou keuse.

Lewer 6-8 porsies