Slaai

4 hoenderborsies sonder vel of been

Sout en vars gemaalde swartpeper

8 ml droë brandrissievlokkies

Olyfolie

2 ryp, maar ferm pere, in dun wiggies gesny

4 groot hande vol slaaiblare

100 g groen olywe

300 g halloumi, in skywe gesny

Soet mosterdslaaisous

15 ml heuning

15 ml soet brandrissiesous

30 ml appelasyn

5 ml Dijonmosterd

45 ml olyfolie

Seesout na smaak

Sit die hoenderborsies tussen twee velle kleefplastiek en kap elke borsie effens platter. Geur goed met sout en peper en besprinkel liggies met brandrissievlokkies. Verhit olyfolie in ’n pan en braai die hoenderborsies daarin tot goudbruin en gaar. Laat rus die hoender vir ’n paar minute en sny dit in skyfies.

Sit die hoender en peer op ’n opdienbord bo-op die slaaiblare voor en gooi ’n paar olywe oor. Verhit ’n pan tot baie warm en braai die halloumi vinnig daarin tot bruin aan albei kante. Skep die halloumi op die slaai. Klits alles vir die slaaisous saam en sit dit voor met die slaai.

Lewer 4 porsies.