125 g botter

200 ml klam bruinsuiker

2 ekstragroot eiers

250 ml gaar, fyngedrukte patat

250 ml ingelegde gemmerstukke, fyn gekap

60 ml gemmerstroop (uit die potjie met gemmerstukke)

500 ml bruismeel, gesif

100 g okkerneute, gekap

5 ml fyn kaneel

1 ml sout

Versiersel

310 ml versiersuiker, gesif

Appelsap

6-8 ekstra okkerneute, gekap

Voorverhit die oond tot 180 °C en smeer ’n ringkoekpan van 22 cm. Verroom die botter en suiker goed saam tot lig en donsig. Voeg die eiers een vir een by en klits goed ná elke byvoeging. Voeg die patats, gemmerstukkies en -stroop by en roer deur. Meng die bruismeel, neute, kaneel en sout by en roer tot ’n beslag. Skep in die voorbereide pan en bak vir 40-50 minute tot gaar. Laat effens in die pan afkoel en keer uit.

Vir die versiersel: Meng die versiersuiker met net genoeg appelsap om ’n dik drupversiersel te maak. Drup dit oor die afgekoelde koek en sprinkel neute bo-oor. Lewer 1 middelslag-ringkoek.

Variasie:
Jy kan die koek ook met roomkaasversiersel (soos vir wortelkoek) versier.