Japie en Margery van Reenen glo aan uithou en vorentoe kyk. Daarvan getuig hul lewe en die plaasbakkery en koffiewinkel by Harrismith wat hulle ondanks groot uitdagings op die been gebring het.

Lasagne

Vleissous

1 ui, fyn gekap

2 wortels, geskraap en gerasper

2 knoffelhuisies, fyngekap

30 ml botter of margarien

125 g (halwe pakkie) sampioene, gesnipper

1 kg maalvleis

1 hoenderaftrekselblokkie, fyn gekrummel

60 ml blatjang

60 ml Spur Grill Basting

60 ml Spur Hickory Basting

100 ml tamatiepuree

Sout en vars gemaalde swartpeper

Witsous

250 g botter of margarien

190 ml koekmeel

1 liter melk

125 ml gerasperde cheddarkaas

1 pak (500 g) lasagnevelle

250 ml gerasperde cheddarkaas

Vir die vleissous:

Braai die ui, wortels en knoffel in die botter (of margarien) tot sag. Voeg die sampioene by en braai tot gaar. Voeg die maalvleis by en braai tot gaar. Voeg die aftrekselblokkie, blatjang, twee soorte braaisous en tamatiepuree by. Geur na smaak met sout en peper en verhit tot kookpunt.

Laat prut die sous tot geurig en gaar, maar nog lekker souserig. Maak intussen ’n witsous met die botter (of margarien), koekmeel en melk. Geur na smaak met sout en peper. Verwyder van die hitte en roer die 125 ml gerasperde kaas by.

Voorverhit die oond tot 180°C. Skep ’n groot lepel van die vleissous in ’n oondbak en versprei egalig. Pak ’n laag lasagnevelle bo-op en skep dan weer ’n lagie vleissous, gevolg deur ’n lagie witsous en ’n klein bietjie gerasperde kaas. Dan weer ’n laag lasagnevelle, vleissous, witsous en ’n lagie kaas. Herhaal die lae en eindig met ’n laag witsous en die orige gerasperde kaas bo-op. Laat staan die lasagne vir ’n rukkie voor jy dit in die oond sit. Bak vir ongeveer 30 minute tot goudbruin en deurgaar. Lewer 6 porsies.

Malvapoeding

Beslag

2 eiers

250 ml suiker

45 ml asyn

30 ml appelkooskonfyt

500 ml koekmeel

10 ml bakpoeier

Knippie sout

10 ml koeksoda

500 ml melk

Sous

500 ml suiker

500 ml melk

125 g botter

250 ml water

5 ml vanieljegeursel

Voorverhit die oond tot 180°C en smeer ’n oondbak (of 6-8 individuele bakkies) met botter of spuit met kleefwerende kossproei. Klits die eiers en suiker goed saam tot lig en dik. Voeg die asyn en appelkooskonfyt by, meng deur en voeg daarna die koekmeel, bakpoeier en sout by. Los die koeksoda in die melk op en voeg die took by.

Klits tot ’n gladde beslag. Giet die beslag in die voorbereide oondbak (of bakkies) en bak vir ongeveer 30 minute (’n bietjie korter vir individuele poedings) tot deurgaar. Verhit intussen al die bestanddele vir die stroop saam tot kookpunt. Giet die kokende stroop oor die poeding(s) sodra dit uit die oond kom. Sit warm voor met vla en roomys. Lewer 6-8 porsies.