¦ 30 ml olyfolie

¦ 3 uie, gekap

¦ 2 rooi brandrissies, ontpit en fyn gekap

¦ 2 groen appels, geskil, ontkern en gerasper

¦ 250 ml pitlose rosyne of sultanas (of ’n mengsel van die twee)

¦ 500 ml bruinasyn

¦ 250 ml soetwyn, soos Hanepoot of Jerepigo

¦ 250 ml sagte bruinsuiker

¦ 60 ml heuning

¦ Sout na smaak

Verhit die olie en braai die uie, rissies, appels en rosyne saam tot die uie sag is. Voeg die asyn, soetwyn, suiker en heuning by en verhit tot kookpunt.

Prut stadig, terwyl jy nou en dan roer, tot dik en geurig. Geur met sout na smaak en bottel dit warm in gesteriliseerde flesse. Lewer 1,2 liter blatjang.

Kombuiswenk

Vir ’n lekker, soeterige brandsmaak, voeg 125 ml gesnipperde pikantrissies (PeppadewsTM) saam met die rosyne by die blatjang.