2,5 kg skaapboud
’n Bietjie olyfolie
5 fyngedrukte knoffelhuisies
Seesout en vars gemaalde swartpeper
125ml vrugteblatjang

Voorverhit die oond tot 140 °C. Sny die vel en die vet van die boud af. Smeer die boud goed met olyfolie en knoffel, geur met sout en peper en smeer dan ’n laag vrugteblatjang oor. Sit in ’n oondbak met ’n digpassende deksel (’n groot aluminium braaibak werk goed) en bak vir ongeveer vier tot vyf uur.

Haal uit die oond en giet die meeste van die pansouse af. Maak ’n vleissous daarmee en voeg nog ’n bietjie blatjang by. Bak die boud goudbruin, laat rus vir ’n paar minute, sny en sit voor met die sous. Lewer agt porsies.